Henk Moonen (de productieleider) kwoôm vanmêrrege met zien zaate kneûk beej os Mam, uutte Keffee geloupe. Vuuëraan beej de Oelemêrrentj gieëtte op ‘t kenon staon, umdette zoeë inne Kestieëlsgraaf wultj sprînge. Met unne haarde slaag knaltje met ziene kuiles vôl oppe Sîngel en schuuftje nog ‘n bitje doeër oeëver ‘t wieëgdek.
“Miljaar”, rooptj Henk met völ pien in zien stum, “tówgevroeëre!’
doeër Snoeëterkuûk
Ed en Frans gaon aan heur leste reeks van Bônte Aovundje beginne. Ze wulle nog einmaol met unne spetterendje sjoow aafscheit neeme. Dit moogdje neet misse, dus besteltj di-j leste kaertjes vör de Bônte Aovundje dit jaor.
Vae treffe ze beej Keffee Jonas op eîn vanne leste rippetiesies.
Woeë hejje uch lieëre kinne?
ED: Wi-j det ich 16 waas, heb ich drei-j jaor staazje geloûpe as vakkevöller beej de Centra. In ’t leste hâllef jaor kwoom Frans dao ouch wêrreke. Hae waas dao geplaatsj viejaa ’t uutzêndbuuroo “HALT”.
FRANS: Det waas unne schoeëne tiêt. Ich bin dao begónne achter de flessebânt. Ich zoop dao alle kletskes limmenaat en dônker beer op. En toen zoog ich Edje, in ’t maggezien in ’t hökske staon. Hae waas zich unne komkommert aan ’t schelle en keek met un ânger oug in ’n vettig bukske. Vanaaf det memênt zeen vae dikke kammeräöj.
En wi-j zeejjae inne artiestewêrreltj terecht gekaome?
FRANS: Naw, Ed zoot in ’t leger en hae mos op oefening inne Beûlderbêrreg. In det bos leepe toevallig e paar schäöp en di-j vrooge of det vae saame me-j woeëje doon aanne Bônte Aovundj vanne Schäöpkes. Ed zag zônger te oeëverlegke mer medeîn “jao”… Achteraaf bleek dette Schäöpkes hieëlemaol geîne Bônte Aovundj haaje! Ich heb toen zêllef mer mette Zweeloeëre gebeltj en gevraogtj of vae op Luuëke mette Bônte Aovundje mochte mejdoôn. Di-j haaje dao op det memênt nog geîn oeëre nao. Ângerhâllef jaor laater kreege vae ’t verlossendje tillefoontje det vae mochte mejdoon.
ED: Oeës ieërste sketsj zal ich noeëts mieër vergaete. Frans dieëj un Brântweerallârrem nao en ich reep van achter ’t gerdien det eederein oppe groónt mos gaon ligke. Op det memênt haaje vae de hieële zaal plat ligke.
Woeërum stopdjae eigelik?
FRANS: Vae hebbe ’t saame nôw 15 jaor gedaon, woeëvan ich nuuëge en Edje zes. Vae vînge ’t genög, ’t es tiêt detter ânger minse gaon opstaon.
ED: Ich sloeët mich dao beej aan. Daonaeve kin ich ’t tempo van ’t zoeëpe neet mieër aan.
Wi-j zuuët ’t laeve d’r uut nao de Bônte Aovundj?
ED: Ich gaon miêne staon-kerreven oppe Goôlder Hei-j ’s tegooj ônger háng neeme. Dao mot unne nówwe teegelfloer in enne kârport es ouch aan vervânging tów.
FRANS: Ich zal Edje waal motte gaon hêllepe, want det jóng hieët twieë lînker háng.
ED: Nôw mojjae oppasse hè Lange, ich heb beej uch vuuërig jaor ’t dartbort nog opgehânge… Siês
FRANS: Kotj d’r mer uut … dikke aerpel.
Hieëre, hieëre… maaktj nôw geîne trammelânt. Gae motj nog tieën aovundje saame oppe buun staon.FRANS: Jèh, det mojje tieëge hem zegke…
Naw minse, gae laesj ‘t, de leste Bônte Aovundje van Ed en Frans kaome d’r aan. En vae gaon ouch weer wieter. Tot slot:Hieët d’r eîne van uch nog e leste woeërt?
ED: Sorrie Frans, allèh, nog eîne mette jas aan?
FRANS: Nog eîne dan…mer gae betaaltj!
Gebroederlik prooste de Wieërter kammeraoj, op unne gooje leste Bônte Aovundj en wulle ze langs dieëze wieëg ouch ’t Wieërter publiek bedânke vör alle stuuën en de lach in de aafgeloupe jaore.
Zeej jae auch zoëe benôwdj, weej Eric Fikken ziene daag doeërbringtj, kiektj jae gaer nao de verkansiefotokus van Röbke of zooej jae gaer us iets tieege Leonie willen vertellen (mer vingtj jae Rooij net te wiëet fietsen)….
volgtj de BA artiesten dan op “Facebook”!
Nôw det Ton Adriaens gieet stoppe, gieet de Bônte Aovundj van de Rogstaekers langzaam oug un bitje verjonge. De mieeste van de huidige artieste groep es 50+ en hieet völ geliee-je doeer de jaore haer. Frans Snels wurdt volgendj jaor 50 en Ed Stroek es zellufs 75+. In kilo’s dan waal te verstaon !!! Anton Moonen es bekans kaal en Iris, Ivonne en Leonie gebroeeke tieegewoeerdig mieer crême as Roeejje Wiên !!
Daorum zeen vae dör dan ouch gruuets op det vae 2 nôw artieste mogen presentieere. Brenda van Lierop en Marc op ‘t Roodt. Vae treffe diees twiee op ein van de leste rippetisie-aovundje vör de Bônte Aovundj van 2012!!!
Beste Brenda en Marc. Steltj uch es vuuer aan de minse, en woee motte vae uch van kinnne ??
Brenda ; Goed… ich bin Brenda van Lierop en ich deenk det de mieeste minse mich kinne van mieen krantenwieek op Husseve. Ich bring al 24 jaor ut Kanton Wieert roond op Husseve en de Ringbaan Noeerd !!
Marc ; Jeh en ich bin Marc op ‘t Roodt, en dae mieeste zulle mich kinne as paoldanser beej Daddy’s hobby…des un nachtclub zjuust oeever de grens in Bêls, woee ich ieerst 4 jaor vör paol heb gestange en daonao nog 2 jaor as danser !!!
En… wi-j zeen de Rogstaekers dan beej uch terecht gekaome ??
Marc; Nou…vuuerig jaor haajje ze in de Bônte Aovundj un act met un paoldanseres. Ivonne stông um unne paol haer te drejje…en ich heb de choreografie van dae paol uutgeschrieeve en dae paol heej en dao wat van adviesen vuuerzeen !! En aangezeen ich oug al wat ervaring haaj op de Bônte Aovundje van de Verkûsköp op Moesel bin ich dör beejgevraogdj
Brenda; Nou….ich heb jaore metgedaon op de Bônte Aovundje beej de Heiknuiters op de Hei-j, en ich heb 14 jaor aan un stök eedere daag unne e-mail gesteurdj nao alle Bônte Aovundj artieste….met de vraog of det ich met mocht doon. Wi-j det neet werrikdje heb ich mich unne aodpreens uutgezochtj. Ich heb toen Manuel Wijen aan de haok geslage..en dae es toen met zieen trompet eedere zoondigmerge um 06h00 beej de Vorst un serenade gaon breenge….en in eine kieer hebbe ze mich toen hieel spontaan gevraogdj !!! Toen heb ich dör waal effe oeever motte nao deenke…mer uuteindelik bin ich oeeverstag gegânge
En nôw stieet de Bônte Aovundj vuuer de duuer. Hejje dör al zin in !!!!
Marc; Neteurlik !!! Ich hoeep allein neet det ich vör paol staon !!!!
Brenda ; Ich heb hieel völ zin in de erotische scene met Anton Moonen en ich hoeep….
Op det mement grieeptj productieleider Henk Moonen in, en jaagtj mich de rippetisieruuemdje uut…
Henk; Zêk Brenda, vae gaon niks verklappe oeever de inhoud van de Bônte Aovundj, heh !!!
Stoppe met dit interview en maaktj uch ônger de veut uut
Ut blieeft un raar zooitje, dae Bônte Aovundj groep !!!.. Mer goed, volgus mich zeen ze dör klaor vör..Vae zeen gewaarschôwtj !!
Nao 23 jaor op de plênk gestânge te hebbe van ut Munttejater hûltj Ton Adriaens ut vör gezeen. Mînse hebbe zoeewaal achter, op as vuuer de bühn van um genoeete. Mer aan alles keumtj un îndj. Vae treffe Ton nao unne rippetisie-aovundj beej de Tram aan de bar.. Knoêterendj !!!
En Ton…23 jaor Bônte Aovundj inne Stad…Det waas toch unne supertieed…
Ton ; Kotsmeug bin ich ut !!!! En det al zieeker 19 jaor !!!!! Maar…maar…maar waat un zootje amateurs beejein zêk !!
Hoho Ton, waat zejje mich nôw. Gae gaotj mich toch neet vörtellle….
Ton ; Ich zal uch wat vörtelle !!!!. In 1987 heb ich de Rogstaekers gevraogdj of ich unne kieer Preens van de Stad kôs waere. Det lieek mich waal sjieek !!!
Waat hieet det met de Bônte Aovundj te make ??
Ton ; Nou det zal ich uch zêgge !!. Di-j Rogstaekers beloeefdje mich det ich unne kieer heure Preens zoee waere, mer dan mos ich waal beloeeve det ich met de Bônte Aovundj met zoee gaon doon… Dao haaj ich dus hieel geine zin in heh !!!. Met un paar van de beerzoêpendje amateurs de bühn opkroepe. Bah…bah…bah.. Mer jèh, waat môs ich !! Ich woeej nôw einmaol preens waere !!
Mer goed, dan hoofdje toch gein 23 jaor doeer te gaon ??
Ton ; Nou.. di-j Rogstaekers haajje slechts 1 vuuerwaarde.. Ich mocht noeets geine 2e kieer preens waere . Ângers mos ich tot en met 2012 met de Bônte Aovundj metdoon !!. Ich dacht jeh… weem wurdtj dör nôw 2 kieer Preens…neeme toch ??
Nein normaal gesproeeke neet !!
Ton ; Dus waat flikke di-j Rogstaekers. Di-j koupe Sadam Hoes-Sein um met un vaat beer.. Dae veltj op zieen buurt Koeweit binne…di-j Amerikane giftig….En as klap op de veurpieel lasj dae George Bush mich de vastelaovundj aaf… Mos ich det jaor dör op weer Preens zeen !!!!… Dus 2 kieer Preens !!!!!….maar..maar…maar. Mer goed nôw bin ich dör vanaaf en kinne ze waat mich betreft ut RimRam krieege.
Giftig dreenktj Ton Adriaens zieen pot beer uut en taffeltj in hoeeg tempo de Tram uut….. En toch…as dejje Ton op de bühn zoogtj, lieek ut mich unne hieel leuke mins……. Waat kijjae uch toch in minse vörgisse heh !!!
Ut stieet weer te gebuuere!!!!! De bonte aovundj 2012 !!!!!!
Vae zeen al drök doondje met rippetisies, kleier en decors maake, en de vuuerverkoup es ôngertösse al weer begonne. De Bonte Aovundj van de Rogstaekers zeen dit jaor van donderdig 12 t/m zaoterdig 21 jannewari.
Kaarte kij-jae krieege aan de balie van ut Munttejater. Kliktj op ut gael envelupke en gae waertj automatich doeergesluisj nao de pagina van ut Munttejater.
Ut zitj dör weer op. En waat waas ut sjiêk. Overweldigendj woore de reaksies van uch allemaol !!!!!. Zellufs de mieest kritische minse woore super entoesjast oeever de kwaliteit van de Bônte Aovundj van 2011 !!!. Laotj gerösj un reaksie achter in oees gastebook !!!. Vae vônge ut in eeder geval wieer unne geslaagdje serie van 10 aovundje. En hoeepelik zeen vae uch volgendj jaor weer allemaol trök. Binnenkort zulle vae de filmkus van dieeze Bônte Aovundj op de site zette en ki-jae naogeneete van al ut schoeens det wieer oppe plênk gebrachtj ês…. Foto’s zeen al te zeen op de Site van de Rogstaekers. Klikt heej vör foto’s
![2010_Abdikasie04.jpg_595[1]](http://bonteaovundjwieert.nl/wordpress/wp-content/uploads/2010/10/2010_Abdikasie04.jpg_5951-224x300.jpg "2010_Abdikasie04.jpg_595[1]")
Vae treffe de körsverse aanwinst van ut Bônte Aovuntj team oppe rippetisie van de Bônte Aovundj Bênd beej kefee Jonas op Luueke. Heej wurdtj al drök gerippetieerdj op înkel muzikale stökke vör de Bônte Aovundj van 2011
Vae zette ôs effe apaart zoeedet vae ônger ut genot van un pîlske op ôs gemaak effe kinne aojhoore, zoeedet vae ut deindânger te wieete kinne kaome oeever de nôwwe Produksieleider van de Bônte Aovundj van de “Stad”
Henk, uch vuuerstelle aan de minse lieektj mich oeeverboeedig, aangezeen dejje aafgeloupe sezoeen volop inne piktjer hetj gestange as Stadpreens van de Rogstaekers.
Henk ; Gae hetj eur hoêswerrik good gedaon !!!. De mieeste minse zeen det ôngertösse al weer vergaete, dus ich bin al bli-j dejjae ut nog wetj !!!
Nou um ieerlik te zeen heb ich ut effe opgezochtj want ich meindje det eur broor Anton aufgeloupe jaor preens woor. Mer toen zag de vrâw beej os det Syb preens waas. En toen hebbe vae ut effe opgezochtj, en toen blieek det vae ut allebei-j neet good haajje !!!
Henk ; ….oh….
Mer good. Det es gewaesj. Gae zeetj nôw betrokke beej de Bônte Aovundje as Produksieleider. Wi-j es det zoee gekaome ??
Henk ; Nou, nao hieel wat jaore det Dorus van de Bosch det haaj gedaon woeer ze dae mins ôngerhand käök en toen hebbe ze mich gevraogdj..En ôw moog ich ieerst ês un jaor saame met Dorus de produktie leide, en dan stampe vae um boeete….
En eur antwoeerd woeer uuteraard metein ; Jao !!
Henk ; NEIN !! Absoluut neet !!!!. Ut tôwval woeej det ich net in de periode aug gevraogdj waas um Preens te waere, en dao haaj ich al “jao” tieege gezagdj. En met de vuuerbereiding van di-j ieerebaan haaj ich ut al drök zat.. Daobeej waas ich aug nog net 1e verkuipster gewoeere beej Livera, en det kosje neteurlik aug völ tieed….
Zêk, mer waat deut un produksieleider eigenlik !!!
Henk ; Beer haale… hieel völ beer haale vör de artieeste. En roeeje wieen. Djuu zêk. Wisjae det Iris allein al eedere rippetisie-aovundj ôngerhalluf fles roeeje wieen lieeg zûptj. Det gieet echt nergus oeever
Mer wi-j kaome ze dan beej uch terecht.. Gae lusj toch hieelemaol gein beer
Henk; Nein det kloptj. Mer daorum zjuust. Kieek…. Wi-j Dorus as Produktieleider altieed beer ging haale , zoeepe zelluf mieer as de helft op…jeh en det kin neteurlik neet. Gae motj de zaake waal un bitje serieus aan pakke. En daorum zeen ze beej mich uutgekaome
Good Henk. Wi-j esj met de vuuerbereidinge van de Bônte Aovundj vör 2011 ??
Henk ; Jah super !!!!! Alles is uutgeschrieeve!!! De lidje zeen klaor. Halluf november gaon vae beginne met de rippetisies en ut zuut dör nao uut det eederiein gewoeen weer met deut.
Mer ich wil uch dör aug nog effe aan herinnere det ich saame met Aod-Preens Manuel Wijen nog met doon op ut lidjes festival op 14 november um….
Op det memennt keumtj Franky Tuasuun vanne Bônte Aovundj Bênd binne gestormdj en kaaktj of Henk ôngerhand es un blaad baer wiltj gaon haale, want ze börste van dorst.
Henk ; Sorry jongus, ich kom dör aan. Sorry vae motte stoppe met dit interview, want de plicht ruptj….
En weg esse. Det es toch un vrieet drökke baan. Produksieleider… Niks vör mich.
Vae wînse Henk hieel völ sukses met di-j Bônte Aovundj artieste….. Vêrrikus zeent ut. Bah bah
Groeët NOETS!
De Bônte Aovundje 2010 zeen ámper aafgeloûpe en beej de hoêsumroop wurdj ongertösse haard gewêrktj aan de DVD’s van dit jaor.
Di-j filmpkes kijjae dan ouch gaw verwachte op dieës websaajt! Zoeë gáw as ze d’rop staon, kijjae ze heej zeen! Dés beloeëfdj!Inne tössetieëd kijjae uch op dieës websaajt vermake met een (nondedju groeëte) selectie van filmpkes van de Bônte Aovundj 2007 en 2008!
Gaotj dus innegang doeër nao de video pagina en gae vingtj ut vaneîges! Völ plezeer!
Aafgeloupe jaor hejjae ze vör ut ieerst same mooge zeen op oeeze Bônte Aovundj. De manne van de Bônte Aovundj Bênd. Kort gezagdj ; de BAB. Vör de mieeste zeen ut gein ônbekindje in de wieërter (vastelaovuntj)muziekscene. Vae wille ze effe aan uch vuuerstelle, zoeedejje aug wetj weem dör op de Bônte Aovundj van 2010, weer verantwoeerdelik ês vör di-j schoeen klanke. Vanaaf 1 november stelle vae diees jôngus aan uch vuur middels un interview det vae met diees manne hebbe gehaoje in heur rippetisieruuemdje beej John Stroek toees…Klikt op ut knöpke “Achtergroond“ en laesj ut komplieete interview trök
